Top News Icon
EDUCATIONAL / SCHOOLS
ഹയർസെക്കണ്ടറി ഇംപ്രൂവ്‌മെന്‍റ് / സപ്ലിമെന്‍ററി പരീക്ഷാഫലം പ്രസിദ്ധീകരിച്ചു
Posted on - Dec 02, 2013 09:22 pm

സെപ്​റ്റംബറിൽ നടന്ന ഒന്നാം വർഷ ഹയർസെക്കണ്ടറി ഇംപ്രൂവ്‌മെന്‍റ് / സപ്ലിമെന്‍ററി പരീക്ഷാഫലം പ്രസിദ്ധീകരിച്ചു. www.dhsekerala.gov.in, www.keralaresults.nic.in എന്നീ വെബ്‌സൈ​റ്റുകളിൽ പരീക്ഷാഫലം ലഭിക്കും. ഉത്തരക്കടലാസുകളുടെ പുനർമൂല്യനിർണയത്തിനും സൂക്ഷ്മപരിശോധനക്കും ഫോട്ടോകോപ്പി ലഭിക്കുന്നതിനും ഫീസ് സഹിതം മാർച്ചിലെ പരീക്ഷക്ക് രജിസ്​റ്റർ ചെയ്ത സ്‌കൂളിലെ പ്രിൻസിപ്പാളിന് ഡിസംബർ 16നകം നിശ്ചിത ഫോറങ്ങളിൽ അപേക്ഷിക്കണം. പുനർമൂല്യനിർണയം പേപ്പറൊന്നിന് 500 രൂപയും സൂക്ഷ്മപരിശോധനയ്ക്ക് പേപ്പറൊന്നിന് 100 രൂപയും ഉത്തരക്കടലാസിന്‍റെ പകർപ്പ് പേപ്പറൊന്നിന് 300 രൂപയുമാണ് ഫീസ്. അപേക്ഷാ ഫോറങ്ങൾ സ്‌കൂളുകളിലും ഹയർസെക്കണ്ടറി പോർട്ടലിലും ലഭിക്കും. അപേക്ഷകൾ ഹയർസെക്കണ്ടറി ഡയറക്ടറേ​റ്റിൽ നേരിട്ട് സ്വീകരിക്കില്ല. പ്രിൻസിപ്പാൾമാർ സ്‌കൂളുകളിൽ ലഭിക്കുന്ന പൂരിപ്പിച്ച അപേക്ഷകൾ പരീക്ഷാസെക്രട്ടറി ലഭ്യമാക്കുന്ന സോഫ്​റ്റ്‌വെയർ ഉപയോഗിച്ച് ഡിസംബർ 20നകം അപ് ലോഡ് ചെയ്യണം.

comments powered by Disqus
Register Here  To get updates
Free Hit Counter